මුහුදු වෙරළ සනසන්නෝ.
ඉන්දියන් සාගරයේ මුතු ඇටය ලෙසින් විරුදාවලිය ලත් ශ්‍රී ලංකාවේ ඈත අතීතයේ පටන්ම විදේශිකයන්ගේ ආකර්ෂණයට ලක් වූ දිවයිනකි. ග්‍රීසිය,මැද පෙරදිග,පෘතුගාලය,ඕලන්දය,එංගලන්තය ආදී රට වලින් අතීතයේ පටන් විදේශිකයන් ලංකාවට පැමිණි බවට සාක්ෂි එමටය.විදේශිකයන්ගේ ලංකාගමනය නූතන ව්‍යාපාරයක් බවට පත්ව තිබේ.එහෙත් සංචාරකයා යන හැඳින්වීම අර්ථ දක්වන විට පෙනී යන්නේ ශ්‍රී ලංකාවට පැමිණෙන සෑම විදේශිකයෙක්ම සංචාරකයෙකු නොවන බවයි.
ශ්‍රී ලංකාවේ මෑත කාලීන විදේශ විනිමය උපයන මූලාශ්‍ර අතර සංචාරක ව්‍යාපාරය ප්‍රධාන තැනක් ගනී. ශ්‍රී ලංකාවේ පසුගිය දශක තුනක පමණ කාලය දෙස විමර්ශනාත්මකව බැලීමේදී සංචාරක ව්‍යාපාරයේ ඇති වූ වර්ධනය මත ඉහත කරුණු සනාථ වේ.විමසිල්ලෙන් බැලු කළ ආර්ථික වාසි මෙන්ම සමාජයට හානි දායක වූ සමාජ අපචාරයන්ගේද වර්ධනය සිදු වී ඇත.සංචාරක කර්මාන්තය වැඩි වශයෙන් විදේශ විනිමය උපයන කර්මාන්තයක් ලෙසින් මතු පිටින් පෙනුණද නොදැනුවත්වම වාගේ එය අපේ ජන ජීවිතයට කර ඇති හානිය අමතක නොකළ යුතයු .ලෝකයා ඉදිරියේ බහුමානයට පාත්‍ර වූ අපේ සංස්කෘතිය නවීකරණය වන්නට යම් පිළිලයක් වී ඇත.ගණිකා වෘත්තියද වර්ධනය වී ඇති බව පෙනේ.කොළඔ, මහනුවර, හික්කඩුව, බෙන්තොට, මීගමුව වැනි ප්‍රදේශ වල ඇතැම් කාන්තාවන් පමණක් නොව කුඩා ළමුන්ද ගණිකා වෘත්තියට යොමු වී ඇති බව සොයා ගෙන ඇත.ශීඝ්‍රයෙන් පැතිර යන සමාජ රෝගයන්ට හේතුව මෙකී සංචාරකයන්ගේ ක්‍රියාකලාපයයි.කෙසේ නමුත් පසුගිය දශක කිහපිය තුළ සංචාරක ව්‍යාපාරයේ වර්ධනය සඳහා රාජ්‍ය මට්ටමින් පියවර රාශියක් ගෙන ඇත.මෙහි මූලාරම්භය වූයේ 1966 ලංකා සංචාරක මණ්ඩල පනත හා ලංකා හෝටල් සංස්ථා පනතයි.
ශ්‍රී ලංකාවේ කර්මාන්ත ක්ෂේත්‍රයෙන් 67% ව්‍යාප්තව ඇත්තේ වෙරළ කලාපයේය.එහෙත් මෙම දර්ශනීය වෙරළ සමාජ අපචාරි ක්‍රියාවන්ට බලපාන ස්ථානයක් වන්නේ නොදැනුවත්මය.ලංකාවේ ළමයින්ගේ හා ගැටවරයින්ගේ ගණිකා වෘත්තිය වාණිජමය ලෙස බලන කළ අද පවත්නා දරුණු හා විනාශකාරි ප්‍රශ්නයක් බවට පත්ව ඇත්තේ ලංකාවට පැමිණෙන සංචාරකයින් වැඩි වීමේ ප්‍රතිඵලයක් වශයෙනි.1980 ගණන් වලදී අප සමාජයේ පැවති කැළඹීමේ ප්‍රතිඵලයක් ලෙස යුගල වශයෙන් හෝ කණ්ඩායම් වශයෙන් මෙරටට පැමිණි සංචාරකයින්ගේ සංඛ්‍යාව පහත වැටිණි.එහෙත් අස්වාභාවික කාමාශාවන් තෘප්තිමත් කර ගැනීම සඳහා බාල ළමයින්, ගැටවරයින් ගොදුරු කර ගැනීමේ අටියෙන් යළි යළිත් මෙහි පැමිණෙන පැමිණ දිගින් දිගට මෙහි රැඳී සිටින ළමයින් හා ගැටවරයින් සමඟ ලිංගික සේවනයෙහි යෙදෙන්නන්ගේ අඩුවක් නොවීය.වෙරළ ආශ්‍රිත ප්‍රදේශ වල සංචාරක ඇසුරට යොමු වන දරුවන්ගෙන් වැඩි දෙනෙක්ම දෙමාපියන්ගේ අනුදැනුම හා අනුමැතිය පිට එහි යෙදෙන බවට සාධක තිබේ.දරිද්‍රතාවය ,නොදැනුවත්කම ,විවෘත ආර්ථිකය ඊට හේතු වී ඇත.
මීට අමතරව කෙටිකාලීන ප්‍රතිලාභ සඳහා එනම් එදිනෙදා වියදම සොයා ගැනීමටත්, පාවහන් යුවලක්, දුම්වැටි ඇසුරුමක් ,කමිසයක්, පෑනක් ආදී සුලු තෑග්ගක් වෙනුවෙන් සංචාරකයින් සමඟ ආශ්‍රය පවත්වන කොටසක්ද වේ. ලිංගාශ්‍රිත රෝග ගණනාවකට ගොදුරු වූ ගැටවරයින් මත්ද්‍රව්‍ය ශරීර ගත කර ගන්නා අතර නිතරම මත්පැන් පානය කර සිටින නිතරම ගණිකා ඇසුර සොයා යන අය මෙන්ම සොරකම් වලටද සම්බන්ධ අය මොවුන් අතර වේ.මෙම ගැටළුකාරී තත්ත්වය මෙසේ පැවතියහොත් ඒඞ්ස් ව්‍යාප්තිය නතර කළ නොහැකි වනු ඇත.එය ජාතිය රෝගී කරනවා පමණක් නොව ජාතිය සතු ධනයද රෝගී නිවාරණය සඳහා වියදම් කිරීමට හේතුවක් වනු ඇත.
උක්ත පසුබිමට අනුව ලංකාවේ සංචාරක කර්මාන්තයේ සන්ධිස්ථානය මුහදුු වෙරළ ලෙස තහවුරු වේ.මේ අනුව සමාජ පරිහානියක් ඇති වීමට පරිසරය සැකසෙමින් පවතී.එබැවින් ඒ පිළිබඳ සිතන්නට කාලයයි මේ.
2018/06/18
No comments:
Post a Comment